Білмесбек: Ай зерттеушілері
«Білмесбек: Ай зерттеушілері» библиокешингі. №16 кітапхана-филиалының қызметкерлері 1–4 сынып оқушыларына арналған «Білмесбек: Ай зерттеушілері» атты библиокешинг өткізді. Іс-шара ғарыш тақырыбындағы қызықты құтқару миссиясы түрінде ұйымдастырылды. Жас қатысушылар өздерін нағыз ғарышкер әрі із кесуші ретінде сезінді. Білмесбектің құтқару модулін іске қосу үшін балалар кітапқа байланысты шифрларды шешіп, кітапхана каталогынан жасырын орындарды іздеді, жұмбақ Ай тұрғынының қызықты сұрақтарына жауап беріп, кітап сөрелерінен «тыңшы кітаптарды» тапты. Тапқырлықтары мен ұйымшылдықтарының арқасында қатысушылар Ай тасының бес бөлігін тауып, құпия кодты шешіп, Ай саяхатшыларын сәтті құтқарды. Іс-шара балаларға көтеріңкі көңіл күй сыйлап, кітап оқуға деген қызығушылықтарын арттырды.
