Бұл томға Ұлт мақтанышы, академик Қ.И. Сәтбаевтың Қазакстан ғылымының басты ұйымдастырушысы және жетекшісі ретіндегі қызметін көрсететін материалдар енгізілген. Еңбектер қазақ ғылымы дамуының кезендеріне сәйкес: ертеде және КСРО Академиясының Қазақ филиалы, Ұлы Отан соғысы жылдары; Қазақ КСР Ғылым академиясының ашылуы; 1946-1951 жылдары Қазақстан Ғылым академиясы; Қазақстан Ғылым академиясы Президенттігінің екінші кезеңі - осы қызметке қайта оралған 1955 жылдан өмірінің соңғы күндеріне дейінгі қызметін сипаттайтын материалдар енді. Ғұлама ғалымның еліміздің табиғи байлықтарының көзін ашушы әрі оны игерудегі орасан зор ролі және Қазақстанды дамыту бағыттарының көптеген мәселелері көрініс тапқан. Ғалымның Отанына деген шексіз сүйіспеншілігін, туған жерін өркениетті мемлекеттер қатарынан көруге және өз Елі мен халқының гүлденуіне бар күш-жігерін жұмсағанын айқын көреміз. Еңбек қазақ экономикасы мен ғылымының даму тарихына, тұлғатану саласындағы тарихи тұлғаны тереңірек білуге қызығушылық танытатын оқырман қауымға арналады.