2021 жылдың 2 желтоқсаны күні «Парасат жолы» аясында Бұқар Жырау атындағы орталық кітапханасының қызмет көрсету бөлімінің оқу залы қызметкері №9 ЖББМ 8 «А» сынып оқушыларымен ҚР Тұңғыш Президенті күніне орай тақырыптық сағатын өткізді.
Сонымен қатар «Заманымыздың ұлы көшбасшысы» атты көрме назарларына ұсынылды.
Қазақстан Республикасының Тұңғыш Президенті, Елбасы – Нұрсұлтан Әбішұлы Назарбаев Қазақстанның бірлігін қамтамасыздандырушы, тәуелсіз еліміздің негізін қалаушы, Конституция қорғаушысы, құқық пен бейбітшілік тілеуші.
Шара басы ҚР Мемлекеттік Гимні орындалуымен басталып, кітапханашы ҚР Тұңғыш Президентінің өмірі, Н.А.Назарбаевтың Қазақстан тәуелсіздігіне қосқан тарихи, жетістіктері, мемлекеттегі алатын орыны туралы айтты. Елбасының балалық шағы, жастық шағы, еңбек жолы туралы түрлі ақпараттық видеолар көрсетілді.
Іс-шара соңында «Көк тудың желбірегені» патриоттық әнін барлығы қосылып шырқады.