Шахтинск қаласының №1 кітапхана-филиалының абонемент бөлімінің кітапханашысы ұлттық сахна өнерінің мақтанышы, КСРО және ҚазКСР халық әртісі, Мемлекеттік сыйлықтың лауреаты Шолпан Исабекқызы Жандарбекованың 100 жылдығына арналған экспресс әңгімесін назарларыңызға ұсынады. Қарқаралының киелі топырағынан түлеп ұшқан, қасиетті өнерге Арқа төрінен қанат қаққан айтулы тұлға, ұлттық сахна өнерінің мақтанышы Шолпан Исабекқызы Жандарбекова жайлы толғаймыз. Бейнебаянда Қазақстанның Халық әртісі Шолпан Исабекқызы Жандарбекованың өмірі туралы сыр шертіліп, сахна өнеріндегі әріптестерімен шәкірттерінің естеліктері баяндалады.