Қызықты деректер әлемі
№1 кітапхана-филиал №7 ЖББМ оқушылары үшін «Қызықты деректер әлемі» атты ақпараттық сағат өткізілді. Кітапханашы балаларға Жердің экваторлық бөлігінде жыл мезгілдерінің ауысуы болмайтынын айтты. Ал солтүстік және оңтүстік ендіктерде табиғат өзгерістерге бай. Бұл — жыл мезгілдерінің ауысуына байланысты табиғатта болатын өзгерістер. Олардың себебі — Жердің Күнді айнала қозғалуы, бірақ ең бастысы — оның айналу осінің орбита жазықтығына көлбеу орналасуы. Сондықтан Күн сәулелері жыл бойы Жерге әртүрлі бұрышпен түсіп, оның бетін бірде көбірек, бірде азырақ жылытады. Сондай-ақ, балалар әлемнің әртүрлі елдеріндегі жануарлар мен өсімдіктер туралы қызықты деректермен танысты.
