Планеталарға қонаққа

№ 1 кітапхана-филиалында «Библиоша» клубының мүшелері мен № 7 ЖББМ 1 «Б» сынып оқушылары үшін адамзаттың ғарышқа алғаш ұшқанының 65 жылдығына арналған «Планеталарға қонаққа» атты квест-ойын өткізілді. Іс-шара барысында балалар қызықты ғарыштық саяхатқа шығып, Юрий Гагарин ұшуының тарихымен танысты. Қатысушылар ғарыш, планеталар және алғашқы ғарышкерлер туралы қызықты деректермен қатар, әйгілі Белка мен Стрелка иттері жайында да білді. Ойын бекеттер форматында өтті: балалар жұмбақтар шешті, үйлесімділік пен зейінділікке арналған тапсырмаларды орындады, «салмақсыздық сынағына» қатысты, викторина сұрақтарына жауап беріп, ғарыш туралы танымдық бейнеролик көрді. Әр орындалған тапсырма үшін командаларға зымыранның бөлшектері беріліп, соңында оларды сәтті құрастырды. Іс-шара танымдық әрі ойын түрінде өтіп, оқушылардың ғарыш тақырыбына қызығушылығын арттырып, дүниетанымын кеңейтуге ықпал етті. Соңында барлық қатысушыларға ғарышкер куәлігі табысталды.