Жұлдыздарға жол

9 сәуір күні Шахан кентіндегі №8 кітапхана-филиалында Халықаралық ғарышкерлер күніне орай «Жұлдыздарға жол» атты ойын-викторина өтті. Іс-шараға №2 ЖББМ 3 «Б» сынып оқушылары қатысты. Балаларға мерекенің тарихы туралы айтып, оларды қызықты ғарыш әлеміне саяхатқа шақырды. Оқушылар «Комета» және «Космос» атты екі командаға бөлініп, «Ғарыш викторинасы» сұрақтары арқылы жұлдыздарды бағындыруға кірісті. Дұрыс жауап бергені үшін балалар жұлдызшалар алып отырды. Викторина барысында олар планеталар, жұлдыздар және ғарыштық жаңалықтар туралы білімдерін тексерді. Балалардың ерекше қызығушылығын «Ғарышты зерттейміз» атты бейнеролик тудырды, ол қатысушыларды Ғаламның құпияларымен көрнекі түрде таныстырды. Іс-шараның шығармашылық бөлімі «Зымыран» атты шеберлік сағаты форматында өтті. Оның барысында қатысушылар өз қолдарымен әсем бұйымдар жасады. Сонымен қатар «Жұлдыздарға жол» атты әдебиеттерге шолу ұйымдастырылды. Кітапханашылар ғарыш, ғылым және көрнекті зерттеушілер туралы кітаптарды таныстырды. Іс-шара соңында балаларға кітапханаға жиі келіп, кітап арқылы жаңа білімдерді ашуға тілек білдірілді.