«Туған жер — үлкен тарих» Өлкетану кеші

17 сәуір күні Шахан кентіндегі №8 кітапхана-филиалының қызметкерлері №2 ЖББМ-нің 6 «В» сынып оқушыларына арналған «Туған жер — үлкен тарих» атты өлкетану кешін өткізді. Кіріспе сөзінде кітапханашы биыл Шахтинск қаласының 65 жылдық мерейтойын атап өтетінін айтып, туған өлке тарихын білудің маңыздылығына тоқталды. Іс-шара барысында қатысушыларға өлкетану басылымдары таныстырылды: «Шахтинск — сүйікті қала» атты иллюстрациялық энциклопедия, «Шахан — кеншілер даңқының кенті» библиографиялық құрал және туған өлкенің өткені мен бүгіні туралы басқа да материалдар ұсынылды. Кітапханашы Шахтинск қаласы мен Шахан кентінің тарихы, олардың қалыптасуы мен дамуы туралы әңгімелеп берді. Әңгіме барысында «Шахтинск» қаласына арналған онлайн-бағыттаушы және «Шахан — кеншілер даңқының кенті» атты презентация көрсетілді. Сонымен қатар  «Шахтинск ОКЖ» КММ сайтының «Өлкетану» бөліміне ерекше назар аударылды. Кеш аясында «Туған өлкені сүй және таны» атты викторина ұйымдастырылып, оқушылар белсенді қатысып, өз білімдері мен қызығушылықтарын көрсетті. Олар өз отбасылары, дәстүрлері және кентпен байланысты жеке естеліктерімен де бөлісті. Іс-шара соңында кітапханашылар оқушыларға оқу табыстарын, туған жерге деген сүйіспеншілікті және кент өміріне белсенді қатысуды тіледі.