Кітап байлығының қазынасы

29 сәуір күні Шахан кентіндегі №8 кітапхана-филиалына «Капуста» балабақшасының тәрбиеленушілері келді. Балаларға «Кітап байлығының қазынасы» атты танымдық экскурсия ұйымдастырылды. Кітапханашылар жас қонақтарды кітаптар әлеміне саяхат жасауға шақырып, кітапхананың бөлімдерімен — балалар абонементі мен оқу залымен таныстырды. Балалар кітапхана ережелерімен танысып, кітаптарды пайдалану тәртібін қайталады. Экскурсия барысында «Балалар, жаңа кітаптар сендерге арналады» атты жаңа әдебиеттер көрмесіне шолу жасалды. Балалар жаңа кітаптарды үлкен қызығушылықпен қарады. «Ертегі білгірлері» викторинасына қатысқан балалар ертегілер мен олардың кейіпкерлері туралы білімдерін көрсете алды. Сонымен қатар, оларға Шахтинск ОКЖ КММ сайты таныстырылды. Балаларға «Балалық шақ әлемі» бөліміндегі қызықты тақырыптық кітап топтамаларымен танысу және онлайн-ойындар ойнау ұнады. Ең үлкен әсер қалдырғаны — «Ертегі әлемінде қонақта» атты театрландырылған қойылым болды. Онда балаларды көңілді ертегі кейіпкерлері қарсы алды. Экскурсия соңында балалар кітапханаға келген әсерлерімен бөлісіп, болашақта оның тұрақты оқырманы болуға уәде берді.