«Әлемді бағындырған бестселлерлер»
«Әлемді бағындырған бестселлерлер» әдеби шолу. 10 маусым күні №16 кітапхана-филиалының қызметкерлері жастар арасында «Әлемді бағындырған бестселлерлер» атты әдеби шолу өткізді. Іс-шара барысында қатысушылар әлем әдебиетінің інжу-маржандарымен танысып, Лев Толстой мен Федор Достоевскийдің классикалық шығармаларынан бастап, Джоан Роулингтің заманауи туындыларына дейінгі әйгілі кітаптар әлеміне саяхат жасады. Кездесудің көркін ойындар, викториналар мен пікірталастар қыздырып, оны ұлы шығармалардың беттері арқылы жасалған қызықты әдеби саяхатқа айналдырды. Іс-шараның қорытындысында әдебиеттің адамға жаңа көкжиектер ашып, ой-өрісін кеңейтіп, өмірге жаңаша көзқараспен қарауға ықпал ететіні туралы танымдық әңгіме өткізілді. Шара барысында «Әлемді бағындырған бестселлерлер» атты әдебиеттер көрмесіне шолу ұсынылды.
