«Карлаг – мәңгілік естел мекені» әңгіме-сұхбаты
№16 кітапхана-филиалының қызметкерлері саяси қуғын-сүргін құрбандарын еске алу күніне орай кең көлемді оқырмандарға арналған «Карлаг – ұмытылмас тарих мекені» атты әңгіме-сұхбат өткізді. Іс-шара барысында қатысушылар Карлаг тарихымен танысып, лагерьге түскен өнер адамдарының тағдыры туралы мәлімет алды. Сонымен қатар лагерь тұтқындарының естеліктері айтылып, сол кезеңнің ауыр тағдыры туралы әңгіме өрбіді. Оқырмандарға «Карлаг: қасірет пен тағзым» атты әдебиеттер көрмесі ұсынылып, тарихи кітаптар мен естелік материалдарға шолу жасалды. Шара соңында саяси қуғын-сүргін құрбандарын еске алып, бір минут үнсіздік жарияланды.
