«Ловушка для книгочея»
№11 кітапхана-филиалының қызметкері Долинка кентіндегі «Солнышко» мектеп жанындағы балалар лагеріне барып, сүйікті шығармалар мен ертегі кейіпкерлеріне арналған «Кітапқұмарға арналған тұзақ» атты әдеби викторина өткізді. Қатысушылар балалар әдебиетінің классикалық шығармалары бойынша сұрақтарға жауап беріп, туындылардың авторларын анықтап, сюжеттердің маңызды тұстарын еске түсірді. Балалар кітап пен оқу туралы халық даналығын қаншалықты білетіндерін көрсетіп, әртүрлі халықтардың мақал-мәтелдеріне қазақ және орыс тілдеріндегі баламаларды табуға тырысты.Білім аукционында қатысушылар белгілі жазушылардың шығармаларын атаса, викторина барысында ән орындаған әдеби кейіпкерлер туралы білімдерін көрсетті. Кездесу балалардың таным көкжиегін кеңейтіп, эрудицияларын танытуға мүмкіндік берді,сондай-ақ оларды танымал балалар кітаптарының сүйікті кейіпкерлерімен қайта қауыштырды.
