кітапхана
Долинка кентіндегі №11 кітапхана-филиалына №4 ЖББМ 1 «А» сынып оқушылары келіп, олар үшін кітапхана бойынша экскурсия ұйымдастырылды. Іс-шара балаларды жылы қарсы алудан және кітаптар үйі туралы жұмбақ жасырудан басталды. Кітапханашы балалармен бірге «кітапхана» сөзінің мағынасын талқылап, кітапхананы әр кітаптың өз «мекенжайы» бар үлкен «кітап қаласы» ретінде таныстырды. Оқушыларға мектепке дейінгі және бастауыш сынып балаларына арналған кітаптар қойылған кітап сөрелері көрсетілді. Балалар кітаптардың авторларының тегі бойынша әліпби ретімен орналастырылатынын білді. Сондай-ақ оқушылар кітапханадағы тәртіп ережелерімен және кітаптарды пайдалану тәртібімен танысты. Ал алған білімдерін бекіту үшін «Иә – жоқ» ойыны өткізілді. Экскурсия соңында балалар кітапханаға жазылып, оның тұрақты оқырмандары болуға шақырылды.
