«Менің үйім — менің қамалым» ойын бағдарламасы
5-сынып оқушылары Халықаралық отбасы күнін №13 балалар кітапхана-филиалында өткен «Менің үйім — менің қамалым» атты ойын бағдарламасымен атап өтті. Балалар Қазақстандағы мерекенің тарихымен танысып, шаңырақ секілді ұлттық нышандардың және қазақ халқының салт-дәстүрлерінің маңызын білді. Кездесу барысында оқушылар мақал-мәтелдер бойынша жарысып, «ертегі» детективтері мен сүйікті мультфильмдерге арналған музыкалық жұмбақтарды шешті. «Отбасылық түйін» қимылды ойыны мен «Шапшаң аспаз» байқауы ерекше қызығушылық тудырып, әр бала өз командалық рухын көрсете білді. Қатысушылар жақындарына арналған жылы сөздерді таңдап айтып, ата-аналарына үй шаруасында қалай көмектесетіндерін қимыл арқылы көрсетті. Іс-шара оқушыларға отбасының адам өміріндегі басты тірек әрі ең үлкен құндылық екенін тағы бір мәрте ұғындырды.
