«Үш минут ережесі деген не?» атты коучинг
29 мамыр күні №16 кітапхана-филиалында «Белсенді аналар» клубының қатысушыларына арналған «Үш минут ережесі деген не?» атты коучинг өткізілді. Ата-ана мен бала арасындағы эмоционалдық байланысты нығайту туралы сөз болғанда, көп жағдайда бірлескен ойындар, серуендер, ас дайындау немесе үй шаруаларымен бірге айналысу ойға келеді. Алайда отбасындағы сенімді қарым-қатынасты күнделікті тіршілікте де сақтауға көмектесетін өте қарапайым қағида бар. Коучинг барысында «үш минут ережесінің» мәні, бұл тәсілдің ата-аналарға баламен қарым-қатынас орнатуға қалай көмектесетіні, ережені елемеудің салдары және баламен сөйлесу кезінде нені ескеру қажет екені туралы айтылды. Қатысушылар осы және өзге де маңызды сұрақтарды бірге талқылады.
