Экоғаламшардағы кітап оқу
Кітапханада 1–4 сынып оқушыларының қатысуымен «Экоғаламшардағы кітап оқу» атты дауыстап оқу және шеберлік сабағы өтті. Іс-шара барысында балалар табиғат туралы кітаптармен танысып, қоршаған ортаға пайдалы және зиянды әрекеттер туралы өз ойларымен бөлісті. Қатысушылар бірлесіп «Балаларға арналған Экоғаламшар» атты ұжымдық постер дайындап, экологиялық ойындарға қатысып, табиғат туралы өлеңдерді мәнерлеп оқыды. Шара қызықты әрі шығармашылыққа толы атмосферада өтіп, оқушылардың экологиялық мәдениетін қалыптастыруға, табиғатқа деген сүйіспеншілігін арттыруға және кітап оқуға қызығушылығын дамытуға ықпал етті.
