Кітапхана сахнасы: ертегі әлеміне саяхат
№1 кітапхана-филиалында «Капуста» балабақшасының 0-сынып тәрбиеленушілеріне орыс халық ертегісі «Бауырсақ» негізінде «Кітапхана сахнасы: ертегі әлеміне саяхат» атты сахналық қойылым ұйымдастырылды. Балалар кітапханашымен бірге ертегінің мазмұнын еске түсіріп, Бауырсақтың орман ішіндегі саяхаты мен аңдармен кездесуі туралы көріністерді сахналады. Іс-шара соңында кітапханашы балалармен олардың алған әсерлері туралы әңгімелесті.
