Сейсенбаев прозасындағы адам және дәуір
11 қазанда Шахан кентіндегі №8 кітапхана-филиалының қызметкерлері Шахтинск қаласының арнаулы әлеуметтік қызметтер көрсету орталығында қазақстандық белгілі жазушы, драматург әрі аудармашы Роллан Сейсенбаевтың 80 жылдығына орай «Сейсенбаев прозасындағы адам және дәуір» атты әдеби танысу шарасын өткізді. Іс-шара барысында қатысушылар шығармаларында адамдардың тағдырын, маңызды тарихи оқиғаларды және адамның жан дүниесіндегі ізденістерді терең бейнелеген жазушының өмірі мен шығармашылығындағы жарқын кезеңдермен танысты. Әңгіме жазушының шығармашылығы туралы «Әлем құлаған күн» және «Сөздің адал серісі» атты бейнероликтерді көрсетумен толықтырылды. Қатысушыларға кітапхана қорындағы автор кітаптарына шолу ұсынылды. Кездесу соңында орталық қызмет алушыларына қазақ әдебиетінің бай мұрасына жиі жүгініп, рухани қазынадан сусындап жүру тілегі білдірілді.
