Достық шеңбері: біз – бір отбасымыз
Ш. Уәлиханов атындағы мектеп-гимназияның 6-сынып оқушылары үшін №13 балалар кітапхана-филиалы «Достық шеңбері: біз – бір отбасымыз» атты достық сағатын ұйымдастырды. Қазақстан халқының бірлігі күніне арналған бұл шара оқушыларды еліміздегі түрлі этностардың салт-дәстүрлерімен таныстыруға және бейбітшілік пен татулықтың құндылығын терең сезінуге бағытталды. Балалар әлем халықтарының амандасу үлгілерін меңгеріп, ұлттық рәміздер мен тағамдарға қатысты қызықты викториналарға қатысты. Сонымен қатар, олар Қазақстан халқының мәдениеті мен тұрмыс-тіршілігі туралы мағлұмат алып, өзара сыйластық пен түсіністіктің маңызын ұғынды. Интерактивті ойындар арқылы оқушылар әр халықтың дәстүрін құрметтеу – ортақ шаңырағымыздың берік іргетасы екенін түсінді. Іс-шара достық пен бірлікке толы жылы атмосферада аяқталып, «Біздің күшіміз – бірлікте, ал бірлігіміз – алуан түрлілікте» деген ойды айқындай түсті.
