Мемлекет басшысы Қасым-Жомарт Тоқаевтың Ұлттық құрылтайдың бесінші отырысында сөйлеген сөзі
№1 кітапхана-филиалының кітапханашысы, №7 ЖББМ 11А сынып оқушылары үшін мемлекет Басшысы Қасым-Жомарт Тоқаевтың Ұлттық құрылтайдың V отырысында сөйлеген сөзіне арналған ақпараттық сағат өткізді. Іс-шара барысында тарихи есте сақтау және ұлттық сана-сезім, патриотизмнің нақты істер мен азаматтық жауапкершілік ретіндегі маңызы, Мемлекеттік рәміздерге, Заңға және еңбекке құрмет мәселелері қаралды. Цифрландыру және жаһандық өзгерістер жағдайындағы жастардың рөліне, сондай-ақ әділ Қазақстанды құру идеясына ерекше назар аударылды. Оқушылар Президенттің сөз сөйлеуінің негізгі тезистерін талқылауға қатысып, елдің болашағы жас ұрпақтың белсенді ұстанымына, жауапкершілігі мен құндылықтарына тікелей байланысты деген қорытындыға келді.
