8 наурыз: ойнаймыз, көреміз, жасаймыз

Халықаралық әйелдер күні қарсаңында Шахан кентіндегі №8 кітапхана филиалының қызметкерлері Әубәкір Исмаилов атындағы өнер мектебінің оқушылары үшін «8 наурыз: ойнаймыз, көреміз, жасаймыз» атты мерекелік сандықша әзірледі. Кездесу бағдарламасы  өте қызықты өтті. Балалар тапқырлықтарын, актерлік шеберліктерін және тұрмыстық дағдыларын көңілді ойындар мен сайыстарда көрсетті. «Болжап көр» және «Ертегі кейіпкері» викториналарында әдебиет бойынша білімдерін танытса, «Күлкілі аспаздар» және «Кішкентай үй иесі» ойындары арқылы үй жайлылығының шебері болды. «Аққұбалар» және «Ең жылдамдар» қимыл-қозғалыс ойындары мереке көңілін одан әрі көтерді. Балалар арасында «Ана деген ғажайып» атты кітап көрмесі үлкен қызығушылық тудырды. Кітаптармен танысу барысында сүйікті аналар мен әжелерге оқуға болатын,  жүрек жылытатын өлеңдер мен әңгімелер тапты. Іс-шара  «Сүйікті анаға» атты шығармашылық шеберлік сабағымен  аяқталды. Кітапхана қызметкерлерінің жетекшілігімен балалар жарқын мерекелік ашықхаттар жасады. Әрбір жұмыс ерекше, балалардың мейіріміне және ең шынайы тілектеріне толы болды. Мереке барлық қатысушыларға көп жағымды эмоциялар сыйлады және нағыз көктемгі көңіл-күй тарту етті.