Жабайы табиғаттың хит-парады
№8 кітапхана-филиалында «ЭКО» клубының кезекті отырысы өтті. Балалар «Жабайы табиғаттың хит-парады» атты библиошоуға шақырылды. Отырыс балаларды тірі әлемнің алуан түрлілігімен таныстырған «Ғаламшардағы ең таңғажайып тіршілік иелері» атты танымдық бейнероликті көрсетуден басталды. Кездесу экологиялық викторинамен жалғасты. Балалар табиғаттағы тәртіп ережелері, Қазақстанның Қызыл кітабы және қоршаған ортаны қорғау мәселелері туралы сұрақтарға белсенді жауап берді. Клуб мүшелері «Жұмбақтар әлеміндегі аңдар» және «Зоо-Лото» атты қызықты ойындарға зор ынтамен қатысты. Іс-шара «Кітап беттеріндегі аңдар мен құстар» атты әдебиеттер көрмесімен толықтырылып, оқушыларды үздік ғылыми-көпшілік басылымдармен таныстырды. Іс-шара сәтті өтіп, жас қатысушыларға ерекше ұнады.
