«Естелік мәңгілік» естелік сағаты

12 ақпанда Шахан кентіндегі №8  кітапхана-филиалының қызметкерлері  №2 ЖББМ 11 «А» сынып оқушыларына «Естелік  мәңгілік» атты естелік сағатын өткізді. Бұл шара Ауғанстаннан әскерлерді шығарғанның 37 жылдығына арналды. Кездесу барысында Ауған соғысының тарихы мен интернационалист жауынгерлердің ерлігі жайлы айтылды. Кітапхана қызметкерлері әсіресе өз жерлестері – Шахан кентінің батыр азаматтарының тағдырларына назар аударды, олар өз әскери борыштарын абыроймен орындаған. Іс-шара барысында «Шахан – кеншілер кенті», «Ауғанстан менің жүрегімде», «Біз сіздермен мақтанамыз, біздің жерлестеріміз» атты библиографиялық жинақтар, мерзімді басылымдардан мақалалар және Ауған соғысына қатысқан жерлестеріміз туралы жеке естеліктер ұсынылды. Сонымен қатар оқушыларға Шахтинск ОКЖ КММ сайтының өлкетану бөлімінде аталған басылымдардың электрондық нұсқалары бар екені көрсетілді. Кездесу соңында кітапхана қызметкерлері болашақ түлектерге мықты денсаулық, бақыт, табыс және ең бастысы – бейбіт аспан тілектерін арнады.